2020/06/15 11:17
  • عدد القراءات 491
  • القسم : وجهات نظر

اليوم ذكرى حزينة

بغداد/المسلة:

ميسون نعيم الرومي

ذكرى تمر اليوم .. ذكرى حزينـه
باعوا الموصل ليش .. كلنه انولينه

(يالموصل) الحدباء .. تـنـزف بعدهه
يمته يصير احسـاب .. واتـرد مـَجدهه

الباعچ منتشي .. اوبالخضراء هالكاعد
واهلچ بالخيام اتلوع .. وينه اليساعد

يا موصل ام الخير .. هتكوا بناتچ
اليحكمنه ذوله اشرار.. لكوا عباتچ

اولادچ بالسجون اتلوع ! خلصوا عمرهم
لا محكمه اتشـكلت ليش ؟ تنظر بمرهم

ضليتي بـس انقـاض .. كلچ خرايـب
باكو اثـار البيچ .. زرعـوا مصايب

يمته الخلاص اشلون ! انغصبت مصاير
عشعشت غربه البيك .. انهتكت حرايـر

بالغربه وآنـه اهـنا .. اســمع ونـينچ
بغداد العزيزه اتلوع .. ياهو اليعينچ

صرنه عبيد اوليش ؟ تحكمنه احزاب
دمنه جره نهران .. چا وينه لحساب ؟

نخلوا نـَـخـِل بغداد .. حكومة ثعابين
خيرچ صفه للجار .. وانتي تعانين

جيل الشباب اليوم .. بيكم أملنه
يرجع مجد بغداد .. عزه الوطنه  

بريد المسلة

المسلة غير مسؤولة عن المحتوى (نصا ومعنى) والذي يتضمن اسم الكاتب والمصدر

 


شارك الخبر

  • 10  
  • 0  

اضف تعليقك

لن ينشر أي تعليق يتضمن اسماء اية شخصية او يتناول اثارة للنعرات الطائفية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار المسلة علما ان التعليقات تعبر عن راي اصحابها فقط.

  •  
       
  •