2021/01/17 15:00
  • عدد القراءات 5415
  • القسم : المواطن الصحفي

موظفون في دوائر الجنسية.. إهمال وعدم دقة يتحمل تبعاته المواطن

بغداد/المسلة: كتب مواطن عراقي باللهجة الدارجة..

المسلة تنشر نص المحتوى بدون حذف او تعديل..

آني مواطن عراقي، البارحة رحت أسوي جنسية لبنتي حالي حال كل هالناس، بنتي اسمها حنين، رحت للدائرة لگيت مسمينها حسنين!.

ليش؟ لأن الموظف الله يوفقه ماد حرف الحاء زيادة، ومن الساعة ٨ ونص للساعة ٢ آني افتر وجيب صحة صدور وأودي وثيقة إثبات حتى للمستشفى رجعوني.

آني شنو ذنبي اتحمل إهمال موظف مستعجل! شنو تخسر لو تكتب الاسم عدل، بنتي شنو ذنبها عمرها كم شهر باقية على چتف أمها ونفتر بيها من شباك لشباك حتى نثبت اسمها وجنسها.

أخواننا الموظفين بالدوائر الحكومية هالله هالله عالشعب يعني هم ديروا بالكم على شغلكم، والله گدامي البارحة الموظف يسولف ويكتب، مراجع اسمه عبد مزهر كتبه عبد الزهرة! شنو ذنب المراجع يتحمل تبعات هالخطأ.

رصد المسلة

المسلة غير مسؤولة عن المحتوى (نصا ومعنى) والذي يتضمن اسم الكاتب والمصدر
 


شارك الخبر

  • 8  
  • 0  

اضف تعليقك

لن ينشر أي تعليق يتضمن اسماء اية شخصية او يتناول اثارة للنعرات الطائفية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار المسلة علما ان التعليقات تعبر عن راي اصحابها فقط.

  •  
       
  •