2020/02/17 22:45
  • عدد القراءات 5668
  • القسم : تواصل اجتماعي

أم كرار .. عراقية شجاعة تتحدى الفقر بمخبز في الشارع العام بالديوانية

تابع المسلة عبر قناتها في تطبيق التلغرام

https://t.me/almasalah 

----------------------------------- 

بغداد/المسلة: كتبت منار الزبيدي باللهجة الدارجة...

ام كرار 47 سنة تشتغل خبازة، وجانت تخبز بالبيت وقبل كم سنة قررت تفتح مخبز وسط الديوانية على الشارع العام حالها حال اي مخبز يديره الرجال.

وفعلا ظلت تشتغل هي واولادها لحد الان، هي تعتبر شغل المراة قوة وشجاعة لان بي تحدي لكل الظروف وتعتبره مصدر لكرامة الانسان.

وتعتبر مخبزها مثل "دائرة حكومية" يستقبل الجميع بدون استثناء، بس الفرق هو الجهد المضاعف الي تبذله وضمانات الوظيفة.

ام كرار خلال الشغل تلبس قميص عسكري وهالشي ينطيها حافز وقوة على التحمل ومواصلة العمل لان جاي تجاهد بشغلها.   

رسالتها للجميع ان الحياة جهاد لاجل العيش الكريم ودرس للناس بان المرأة شجاعة وتكدر تتحدى كل الظروف وخاصة الفقر، ورغم حبها لعملها بس تتمنى تحصل وظيفة حكومية، لان وضعها الصحي يتعارض مع شغلها وخاصة حرارة المخبز بالصيف.

اكثر شي يضوج ام كرار من تشوف نساء بالشارع يتسولن ويمدن ايدهن للناس، لان بنظرها التسول والكدية اهدار لكرامة المرأة وذلة ما ممكن يتقبلها اي انسان.

ام كرار نموذج نسوي عراقي يستحق الدعم والتشجيع.

تواصل اجتماعي

المسلة غير مسؤولة عن المحتوى (نصا ومعنى)، الذي يتضمن اسم الكاتب والمصدر


شارك الخبر

  • 8  
  • 0  

اضف تعليقك

لن ينشر أي تعليق يتضمن اسماء اية شخصية او يتناول اثارة للنعرات الطائفية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار المسلة علما ان التعليقات تعبر عن راي اصحابها فقط.

  •  
       
  •