2016/03/10 15:37
  • عدد القراءات 3937
  • القسم : محطات

التاجر المفلس

بغداد/المسلة: كتب سعدون العبيدي في "فيسبوك" باللهجة الدارجة..يگولون التاجر اليفلس يگوم يدور دفاتر عتيگة، بلكت يلگيله شي. إحنة هسة بحكم الازمه، قسم من البرلمانيين والمسؤولين رجعوا على الدفاتر العتیگه، طلعوا دفتر أملاك الدوله لگوه مليان، وبدت المقترحات، كل واحد يفتي شكل، وأكثر الفتاوي تگول بيعوها حتى تجمعون فلوس تسدون النقص، فتوى من تباوعها بلا شكوك، تگول ليش لع من حق الحكومهَ تدور على طرق تسد بيه العجز، وهذا واجبها..

خوما تخلي الناس تموت من الجوع. لكن اذا نشك بالذمم الي محد يديرلها بال من هوای من الموظفين والسیاسیین، والفساد الي محد گدر يلجمه لليوم، راح نكول يمكن الأملاك تنباع بالفرهود، لأن تصوروا اذا جا رئيس الكتله، لو برلماني لو مدير التيل للمزاد، لو دز الحبربشيه بسياره سودة كلها اريلات، وبلا أرقام، منو يگدر يزَيّدْ عليه. راح ياخذها بفلسین، وتالي تروح الاملاك الغالية هدر. شلنا بوجع الراس. خو أجروها واستروا علينا، ولمن نعقل بيعوها، ذاک الوکت یصير البيع حلال.


شارك الخبر

  • 5  
  • 0  

اضف تعليقك

لن ينشر أي تعليق يتضمن اسماء اية شخصية او يتناول اثارة للنعرات الطائفية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار المسلة علما ان التعليقات تعبر عن راي اصحابها فقط.

  •  
       
  •