بغداد/المسلة: نشر مواطن من اهالي بغداد صور ومعلومات عن داخل بناية الجادرجي المشهورة في منطقة المنصور، والتي تضمّ عشرات المحال التجارية.
وقال المواطن: أكو شي ديصير ودا يتم كتمه وهو كلش خطر على أرواح هواية من الناس أبلغت الجهات المعنية لكن للأسف أهملوا الموضوع وأبدوا عدم اكتراثهم للأمر.
ـ عمارة الجادرجي بمنطقة المنصور معرضة للانهيار بأي لحظة! وصارت كلش خطرة، وبحسب كلام أحد المهندسين إلي وصلت مرحلة الخطر أنو أساس البناية بدا ينطمر جوا ويفوت بالتربة وينزل والبناية دتميل.
ـ عمارة الجادرجي متكونة من ٣ بنايات متلاصقة، البناية اللي صايرة على جهة الرواد أكو مجاورها أعمال حفر وبناء أدت إلى إلحاق ضرر بأساسات البناية وادت إلى ميلان البناية بشكل جداً كبير، بحيث انفصلت البناية الثالثة عن بقية البنايات وبشكل جداً واضح، وأكو فتحة يومياً دتزيد أقل من نصف سنتم وراح توصل مرحلة تنهار البناية بالكامل.
ـ إجوي أكثر من مهندس وگالوا ضروري الناس تخلي البناية بالكامل والحالة جداً جداً خطرة والمصيبة الجهات المعنية جداً باردة وممهتمة للموضوع.
– اتصلت بـ ٣ مهندسين وشوفتهم الصور وأخذت مهندس ورحت شوفته البناية كلهم گالوا الموضوع جداً خطر لأن البناية أساسها متضرر وآيلة نحو السقوط.
– هاي الصور من الطابق الرابع الأخير بالجهة اليسرى من البناية، وهذه الفتحة تبين أكثر كلما تصعد طابق.
– احنه منريد تتكرر الكارثة اللي صارت بالمختبر الطبي بالكرادة”.
المسلة – متابعة – وكالات
النص الذي يتضمن اسم الكاتب او الجهة او الوكالة، لايعبّر بالضرورة عن وجهة نظر المسلة، والمصدر هو المسؤول عن المحتوى. ومسؤولية المسلة هو في نقل الأخبار بحيادية، والدفاع عن حرية الرأي بأعلى مستوياتها.
بلغوا امانة العاصمة، واصرخوا في أُذن أمين العاصمة خشية انه ضعيف السمع او الضمير.