المحاضرون يكشفون عدة اسباب تؤخر استلام الفروقات المالية في وزارة التربية

27 يونيو، 2022

بغداد/المسلة: تساءل ياسر اللامي، الاثنين 27 حزيران 2022، عن مدة تسليم الكلف المالية الخاصة بالمحاضرين والاداريين في وزارة التربية، فيما كشف أسباب تؤدي الى تأخيرها.

المسلة تنشر نص التدوينة:

شوكت نستلم الفروقات؟ الشغلة بصراحة تطول لعدة أمور:

أولا/ مديريات التربية لحد الان ممشتغلة الكلف المالية بحجة ماكو اعمام من وزارة التربية بالتعديل الجديد؟.

ثانيا/ السيد الوزير لحد الان زعلان وميدخل التربية بسبب التوبيخ؟.

زين ليش متشتغل المديريات بدون اعمام مثل ما اشتغلت #مديريةالكرخ_الثالثة وكملت الكلف المالية ورفعتهه؟ لان مثل متعرفون كل مدراء التربيات عدهم كروب بالواتس ويتواصلون واي كتاب ينشر بالكروب؟.

الخلاصة استلام الفروقات مرهون بانجاز مديريات التربية للكلف المالية واذا كملوهه وبدون اخطاء قبل عطلة العيد فبعد العيد مباشرة يبدي التدقيق ومن ثم التمويل من قبل دائرة اعداد الموازنة ثم الى دائرة المحاسبة ومن ثم تمويل المحافظات.

كل هاي الامور تعتمد على سرعة ودقة انجاز مديريات التربية للكلف المالية وفق قرار 315 للمحاضرين والاداريين.