المسلة

المسلة الحدث كما حدث

رسالة مفرحة من الموصل

رسالة مفرحة من الموصل

بغداد/المسلة/ رصد : رسالة من الموصل

نسخة منها الى المحافظ

نسخة منها لكل مسؤول في الموصل المنكوبة

دليل زيارة الموصل//

لا تجي بالطيارة لان ما عدنا مطار…

ولا تجي بالقطار لان ما عدنا محطة …

ولا تجي بسيارة تشتغل بالبنزين والغاز لان ما عدنا لا بانزين ولا غاز…

ولا تجي بالبلم والمشحوف لان النهر عدنا بدا نشف..

ولا تجي اذا كنت مريض لان ما عدنا مستشفى حقيقي بيه حظ كلها كرفانات مهجورة…

وخلص زيارتك وارجع العصر لان ما عدنا فندق يصلح لاستقبال جنابكم الكريم.

لا تجي من جهة الجسر الرابع لان بعد ما كمل…

ولا تجي من جهة الجسر الخامس لان هم بعد ما كمل…

ولا تجي للجانب الايمن لان بعدو خرايب ومابيه غير بس شوارع وشوية أشجار ونافورة وارصفة …

ولا تقابل ام شهيد او مفقود، او مواطن مهدم بيتهلان راح يمرد قلبك عليهم و محد بيهم مستلم تعويضات.

لا تزور معمل الادوية ولا معمل نسيج ولا معمل سكر ولا معمل الالبان ولا معمل الاثاث لان كلها خرابة…

ولا تتورط وتروح تتنزه بالغابات لأنه حرقوها..

ولا تتمشى عند شاطئ دجلة لان ما راح تشوف نهر من التجاوزات..

لا تزور المزارع بمشروع ري الجزيرة لانها اختفت، والمشروع متوقف والارض صحراء…

ولا تراجع اي دائرة لأن راح ينسلگ جدك من الفوضى والإنتظار..

ولا تتورط وتشتريلك عقار لأن ماتعرف شكو وراه بلاوي وتجاوزات وتزوير.

ودير بالك من … أحزاب المكون فهي براء من ذلك!!


المسلة – متابعة – وكالات

النص الذي يتضمن اسم الكاتب او الجهة او الوكالة، لايعبّر بالضرورة عن وجهة نظر المسلة، والمصدر هو المسؤول عن المحتوى. ومسؤولية المسلة هو في نقل الأخبار بحيادية، والدفاع عن حرية الرأي بأعلى مستوياتها.