بغداد/المسلة:
ميسون نعيم الرومي
اشـْـبـَعـنـَه حوار اشـْـبـَعـنه كـلهه اوعـود
لتأمن نـَـذل مبيوع .. والـّـلي شغلته فرهود
نِغـَـير امن الجـَـذر.. نحمي وطنـَّه انريد
كل مرتـشي فاســد ! والوجوه الســود
-(بالشـلع اوقـَـلع) والشعب كلـَّه اوياك
تاريخ ايخـَلـِّـدَك .. واجدادك اهل الجود
جوعـوه الشـعـَـب .. داسـوه بالرجـليـن
احثاله امعـَـفـّـِنـَه .. تنكنس كـنس الدود
(بـغـداد) .. العراق او.. هيبة الأوطان
ياهو اللي يجي يولينه .. (خان اجغان) ماكو احدود
شـبان الوطن .. ارجاله كـِلهه احــرار
تحريرالوطن يردون .. والموقف يريد اشهود
مهانه اوعوز شبعوْ .. والخبز حسره
افلوس امتلتله ابحلگ الكرش والغود
شـباب اتـذبحت .. والقاتل المجهول
يـفـرح منـتـشي والشعـب هالممرود
شجاعه ابكل عزم .. هبـّـوْ اجوك اليوم
بـيـديـن الزلم .. حتما وطنه ايعـود
يصحه اعراقـنه والوطن كـلـَّه ابخير
نصرخ حيل .. يـِـخـْـسـَـه الخاين المطرود
فاليحيا (العـراق) .. اتعيش ثـواره
نـِحاسب كل دخيل او مجرم اومنكود
عاش اهـل (العراق) ابـطاله وارجاله
خلود الكل شهيد الرِفـَـض كل اقـيـود
المسلة – متابعة – وكالات
النص الذي يتضمن اسم الكاتب او الجهة او الوكالة، لايعبّر بالضرورة عن وجهة نظر المسلة، والمصدر هو المسؤول عن المحتوى. ومسؤولية المسلة هو في نقل الأخبار بحيادية، والدفاع عن حرية الرأي بأعلى مستوياتها.
أخبار ذات علاقة
ضحايا سقوط طائرات الهليكوبتر .. من عبد السلام عارف الى رئيسي
الهلال الأحمر الإيراني يعلن انتشال جثث ضحايا تحطم المروحية
كيف عالجَ الدستور الإيراني حالة غياب رئيس الجمهورية؟